सनराइज बैंकले तनहूँ जिल्लाको भानु नगरपालिका वडा नम्बर ५ सेपाबगैचामा शाखारहित बैंकिङ्ग सेवा शुरु गरेको छ।
योसंगै बैंकको शाखारहित बैंकिङ्ग सेवा संख्या ८० पुगेको छ।
बैंकले सेपाबगैँचामा खोलेको शाखारहित बैंकिङ सेवाको व्यावसायिक प्रतिनिधिका रुपमा प्रविणराज बराललाई नियुक्त गरेको छ।
अब शाखारहित सेवाअन्तर्गत एटिएम कार्डमार्फत कारोबार गर्न सकिने भएको छ।
शाखारहित सेवामार्फत ग्राहकवर्गले निक्षेप संकलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सक्छन्।
कृषि र रेमिट्यान्स प्रमुख आय स्रोत रहेको उक्त क्षेत्रका बासिन्दाहरुमा बैंकिङ पहुँच बढाउने उद्देश्यका साथ बैंकिङ्ग सेवा सुरु गरेको बैंकले जनाएको छ ।
हाल बैंकले १३९ वटा शाखा, ८० वटा शाखारहित बैंकिङ्ग सेवा, १२ वटा एक्सटेन्सन काउण्टर र १५८ वटा एटिएममार्फत आफ्ना सात लाखभन्दा बढी ग्राहकहरुलाई सेवा प्रदान गर्दै आएको छ।
प्रकाशित मिति: मंगलबार, मंसिर १४, २०७८, १२:०३:२०
