इङ्लिस प्रिमियर लिगले म्यानचेस्टर सिटीमाथि आर्थिक नियम उल्लंघन गरेको आरोप लगाएको छ।
प्रिमियर लिगले चार वर्षको अनुसन्धानपछि सिटीमाथि १०० भन्दा बढी आर्थिक अनियमितता गरेको आरोप लगाएको छ।
प्रिमियर लिगले सिटीलाई सन् २००९ देखि २०१८ को बीचमा कथित नियम उल्लंङघनको लागि एक स्वतन्त्र आयोगलाई पठाएको छ। सन् २०१८ को डिसेम्बरमा अनुसन्धान सुरु भएदेखि सिटीले सहयोग नगरेको पनि लिगले आरोप लगाएको छ।
अब आयोगले सिटीलाई जरिवाना र अंक कटौतीदेखि प्रिमियर लिगबाट निष्कासनसम्मको सजाय तोक्नसक्छ।
यसैबीच सिटीले क्लबमाथि लागेको आरोप आश्चर्यजनक रहेको भन्दै यो आरोप अकाट्य प्रमाणको निकायद्वारा समर्थित रहेको दाबी गरेको छ।
जर्मन अखबार डेर स्पिगलले नोभेम्बर २०१८ मा क्लबले प्रायोजन सम्झौताको मूल्य बढाएको आरोप लगाउँदै लीक भएका कागजातहरू प्रकाशित गरेपछि युइएफएले सिटीमाथि अनुसन्धान थालेको थियो।
क्लबले एक विज्ञप्ति जारी गर्दै क्लबले लिगका नियमहरूको उल्लंघन नगरेको जिकिर गरेको छ। ‘म्यानचेस्टर सिटी प्रिमियर लिग नियमहरूको यी कथित उल्लंघनहरू जारी गरेर छक्क परेको छ, विशेष गरी व्यापक संलग्नता र विस्तृत सामग्रीको ठूलो मात्रा इपिएललाई प्रदान गरिएको छ,’ क्लबले जारी गरेको विज्ञप्तिमा भनिएको छ।
क्लबले एक स्वतन्त्र आयोगद्धारा यस मामिलालाई स्वागत गर्ने बताएको छ।
‘क्लब एक स्वतन्त्र आयोगद्वारा यस मामिलाको समीक्षालाई स्वागत गर्दछ, निष्पक्ष रूपमा आफ्नो स्थितिको समर्थनमा अवस्थित अकाट्य प्रमाणहरूको विस्तृत निकायलाई विचार गर्न आग्रह गर्दछौं’, क्लबले भनेको छ।
सन् २००८ मा अबुधाबी युनाइटेड समूहले क्लबको स्वामित्व लिएपछि सिटीले छैटौंपटक प्रिमियर लिग जितिसकेको छ।
प्रकाशित मिति: मंगलबार, माघ २४, २०७९, ०७:२८:००
